O presidente do Consello da Cultura Galega, Ramón Villares, e a secretaria xeral de Política Lingüística, Marisol López, inauguraron esta mañá os X Encontros para a Normalización Lingüística. As xornadas que organiza o Centro de Documentación Sociolingüística de Galicia (CDSG) céntranse na importancia do idioma nas probas de acceso aos postos nas Administracións e no ensino. A este respecto, Marisol López aproveitou a presentación para anunciar a posta en marcha dunha serie de medidas para dinamizar os equipos de normalización lingüística dos centros de ensino. Ademais, nos Encontros repartirase un “kit para a normalización da lingua”, é dicir, un conxunto de documentos xurídicos e de textos de traballo relacionados co idioma.
Máis información no web do Consello da Cultura Galega e no do CDSG