O CGAC e o CHUS desenvolven un proxecto artístico para mellorar o ingreso hospitalario

Non é un proxecto de arteterapia porque non emprega a creación artística como ferramenta nun proceso de curación, senón que é máis ben un proxecto de investigación artística que, desde un punto de vista pseudocientífico, ten finalidade terapéutica. Algo mais que color é a iniciativa que pretende que os futuros pais que pasen polo Hospital Clínico Universitario de Santiago (CHUS) poidan re-crear a habitación ideal na que lles gustaría ter aos seus fillos, a través das modificacións que fagan sobre unha maqueta a escala da habitación que ocupan. O proxecto conta coa participación de múltiples entidades (desde o propio hospital ata asociacións que xa traballan neste eido e o CGAC). Poñerase en marcha no mes de abril e densevolverase ata finais de ano. O deseño da terapia corre a cargo da artista lucense Mónica Alonso, que leva toda a súa traxectoria investigando sobre a cor e as cualidades terapeuticas dos espazos (e dalgúns obxectos concretos como a cama). “O obxectivo é este proxecto se acabe convertendo nunha rutina hospitalaria máis e, se fóra posible, que sirva a futuros arquitectos para facer máis cómodo a estadía nun hospital” puntualizou a artista lucense.