A cama como propósito

Mónica Alonso (A Fonsagrada, 1970) fixo unha parada no seu ritmo de traballo para exhibir na Galería SCQ de Santiago A urna funeraria. A última cama. Continuando coa súa liña de traballo a medio camiño entre a escultura e a arquitectura, Alonso volve reflexionar sobre a cama. Agora para buscar o contorno e a cor ideal para o descanso na que será a última cama. A Galería SCQ, sempre na procura de novos formatos para achegar a obra da artista ao público, acolleu a presentación deste proxecto personalizable para clientes (cor, texturas, materiais...) que serviu ao mesmo tempo para facer unha recalada no traballo de Mónica Alonso.