O Consello da Xunta aprobaba onte apoiar a candidatura do Ferrol da Ilustración a ser declarado Patrimonio da Humanidade pola UNESCO. O Goberno Galego desenvolverá ao longo dos vindeiros anos o expediente para que se valore esta proposta. Con este fin xa asinou un convenio coa Fundación Ferrol Metrópoli por un valor de 90.000 euros. De cara á candidatura, o proxecto inclúe traballos de catalogación de fontes documentais e bibliográficas, planimetrÃa xeorreferenciada, estudos comparativos con bens culturais, edición de traballos monográficos e mais a redacción de plans directores de xestión.
