O Parlamento insta á Xunta a promover o libro dixital

O peche do debate sobre o Estado da Autonomía deu lugar a escasas propostas aprobadas no ámbito da cultura e a educación. No caso do galego aprobouse unha proposta que incide en promover o uso do noso idioma na Administración, aumentar o prestixio social do galego e colaborar cos concellos para potenciar o uso da lingua. No ámbito da cultura aprobouse unha moción en prol do libro dixital na Biblioteca e no Arquivo de Galicia, así como potenciar medidas para impulsar o acceso dixital á información, difusión e venda do libro galego. En educación, o horizonte é que no 2015 o financiamento universitario chege ao 1% do PIB.