Hai dous días a Coordinadora de Traballadores de Normalización Lingüística (CTNL) denunciaba a convocatoria de axudas para promoción do galego en entidades locais. Segundo este colectivo, á rebaixa do 30% nos orzamentos sumábase que ata un terzo da puntuación para conseguir estas axudas dependerá de se o concello solicitante está adscrito á Rede de Dinamización que non se constituíu aínda formalmente. Onte, o secretario de Política Lingüística, Anxo Lorenzo, anunciaba que a entidade conta coa adhesión de 45 concellos de todo o país, e adiantou que moitos outros están a se sumar. As últimas incorporacións foron as de Lousame e a Pobra do Caramiñal.
