Antón Veiga, responsable da área de Cultura e Deporte da Deputación de Lugo presentou onte o plan de cultura desta entidade. Segundo revelou, o seu departamento investirá un total de 650.000 euros en apoios a diferentes entidades culturais neste 2011, para os que recibiu 650 solicitudes, 60 máis do que o ano pasado. Pola súa banda, a Deputación da Coruña acaba de modificar as bases para a solicitude de axudas que ten aberta neste campo para entidades locais e coletivos.
