Espacio Atlántico prepara unha nova edición marcada pola crise

A falta dun mes para a nova edición da feira de arte Espacio Atlántico, a dirección do evento denuncia os recortes no apoio público a este evento. Segundo a directora da feira, Marta Scarpellini, a Consellaría de Cultura aínda non concretou o seu apoio para a vindeira edición, na que confirmaron xa a súa asistencia 42 galerías, entre elas seis galegas. O V Espacio Atlántico está previsto que se celebre o Instituto Feiral de Vigo entre os días 7 e 10 de abril.