Unha boa parte dos museos de carácter local ou comarcal dedicados ao mar en Galicia constituiranse nunha rede para coordinar recursos, actividades e mesmo para desenvolver un sistema común de inventario. Representantes de centros da Guarda, Redondela, O Grove, o Museo Massó, o Museo Anfaco e da Rede de Museos de Lugo asistiron o pasado venres á xuntanza que convocou Pablo Carrera, director do Museo do Mar de Galicia. Tamén os centros de Rianxo e Baiona amosaron o seu interese en participar no proxecto. Carrera puxo a disposición dos participantes as mostras que se desenvolvan no seu centro.
