Artistas e galeristas levarán a creación contemporánea a ARCO 2011

A vindeira semana (do 16 ao 20) desenvolverase en Madrid unha nova edición de ARCO, a coñecida feira de arte contemporánea. Como xa era sabido, haberá tres galerías galegas (as viguesas Ad Hoc e Bacelos, xunto coa compostelana SCQ) que exhibirán o traballo dos artistas cos que traballan habitualmente. A representación galega non se esgota nestes tres espazos, xa que as galerías Helga de Alvear e a Marlborough levarán artistas galegos. Coa primeira exporá a coruñesa Ángela de la Cruz, mentres que coa segunda irán o vigués Rafael Cidoncha e o cambadés Francisco Leiro. Esta edición de ARCO estrea director, Carlos Urroz, e conta con Rusia como país convidado.