A 28 edición de ARCO, a feira de galerías máis relevante do Estado, comeza a súa conta atrás. Onte presentouse o programa oficial dun evento que se desenvolverá entre o 11 e o 16 de febreiro e no que a India será o país convidado. Nesta ocasión, despois da renuncia explícita da Galería Trinta por desacordo co rumbo da feira, a presenza galega está conformada polas viguesas Ad Hoc, C5 (que formará parte de Performing ARCO) e Bacelos. ARCO 09 contará con 250 galerías procedentes de 31 países así como diferentes publicacións relacionadas co mundo da arte.
