SCQ regresa a ARCO, que contará coa presenza de Adhoc e Bacelos

Malia o recurte do número de galerías presentes na nova edición de ARCO (un trinta por cento menos), no 2011 increméntase a paticipación galega. SCQ regresa á feira de galerías máis destacada de todo o panorama estatal. Farao no marco do programa xeral, onde tamén estará Adhoc, a galería viguesa que segue fiel a esta cita. No marco de ARCO40, para postos de corenta metros cadrados, estará a galería viguesa Bacelos. A cita madrileña será do 16 ao 20 de febreiro e contará con Rusia como país convidado.