Cultura abrirá en verán dous novos edificios da Cidade da Cultura

Non era novo que a Xunta pretendía abrir neste 2011 catro dos edificios que compoñen o complexo da Cidade da Cultura. Trala apertura ao público da biblioteca e da hemeroteca, no horizonte estaba o Museo de Galicia e o edificios de Servizos Centrais, sede administrativa do complexo. Onte, no marco da apertura dunha exposición fotográfica sobre a Cidade da Cultura, Roberto Varela confirmou a apertura destes dous novos centros para o verán e, recoñeceu que o museo estará baleiro para que “o público poida contemplar a obra arquitectónica”. Non será ata 2012 cando o Museo de Galicia empece a ter contidos e, segundo publica hoxe El País será unha mostra sobre patrimonio pétreo.