A sede do Museo Nacional de Ciencia da Coruña non abrirá ata 2012

O 29 de febreiro de 2012. Esta é a nova data que daba onte Ramón Núñez Centella, director do Museo Nacional de Ciencia, para a apertura da sede na Coruña desta institución. A data contradí a previsión que facía o mes pasado de que o centro abriría as súas portas este mesmo verán coa exposición Qwerty: La evolución de una especie tecnológica. O atraso nas obras levou a que esta mostra fique finalmente anulada. No seu lugar, a partir do 3 xuño visitará A coruña Galileo y la astronomía. Hablarán de ti siempre las estrellas que, malia a ser organizada polo Museo, se poderá ver na sede da Fundación Barrié. Ramón Núñez sinalou que é posible que en 2011, antes da apertura oficial, se organicen visitas guiadas para que o público interesado poida coñecer a marcha das obras.