A Xunta renuncia a construír a Goleta de San Cibrao

O polémico proxecto de construír unha goleta empregando técnicas tradicionais nunha carpintaría de ribeira de San Cibrao queda adiado. O responsable de Portos de Galicia, José Manuel Álvarez-Campana, anunciaba que a iniciativa quedaba adiada "uns anos" porque "non é momento para tal investimento". O proxecto contaba cun orzamento de 1,8 millóns de euros e a súa licitación fora reclamada por estaleiros foráneos por irregularidades na convocatoria. Para alén, tanto medios de comunicación como colectivos en defensa do patrimonio marítimo criticaron a concentración de recursos nesta iniciativa. Álvarez-Campana anunciou que se desenvolverán iniciativas de menos custo para apoiar a carpintaría de ribeira, entre as que se barallan a construción con fondos públicos dun buque de menos tamaño na Mariña e doutro na Ría de Arousa.