Industria achegará 161.000 euros á carpintaría de ribeira

As potencialidades ecolóxicas e culturais da carpintaría de ribeira, alén das súas posibilidades económicas motivaron a sinatura dun conveinio entre a Consellaría de Industria e mais a Asociación Galega de Carpintaría de Ribeira. Por este acordo, ratificado hoxe no Consello da Xunta, Industria achegará 161.480 euros ao sector ao longo dos vindeiros dous anos. Entre outras medidas, este investimento quere desenvolver estudos que dean un manual de construción naval en madeira que fixe as prácticas e procesos no sector, así como as posibilidades de incorporación de novos materiais.