Díaz Pardo enviará os fondos de Sargadelos á Biblioteca de Galicia

As arredor de 1.200 caixas de documentos, bibliografía e todo tipo de material que atesoura Isaac Díaz Pardo irán finalmente para a Biblioteca de Galicia. Segundo anuncia hoxe La Voz de Galicia, o acordo aínda pendente de asinar pero prevese que a fórmula sexa a cesión gratuíta dos fondos como depósito. Díaz Pardo sinala que este inxente patrimonio documental inclúe o material que custodiaba o Instituto Galego da Información, máis fondos dos Seminario de Estudios Galegos, a biblioteca de Cerámicas do Castro ou arquivos chegados da emigración.