Telefónica dixitalizará o legado de Díaz Pardo

A compañía Telefónica será a responsable dos traballos de dixitalización de 8.600 documentos do legado de Isaac Díaz Pardo. A compañía asinaba esta mañá un convenio coa Consellaría de Cultura polo que realizará este labor, achegando os medios técnicos e o persoal necesario. Isaac Díaz Pardo depositara na Biblioteca de Galicia a maior parte dos fondos históricos do galeguismo que atesouraba no Instituto Galego de Información. Entre o material a dixitalizar atópase correspondencia, fotografías, debuxos, carteis ou pinturas entre outros benes.