A Universidade da Coruña estrea centro cultural

A antiga sede de Maxisterio e de Comunicación Audiovisual na Coruña reabrirá as súas portas como novo centro cultural da Universidade. Recuperando o nome popular de A Normal, o espazo albergará un auditorio e unha sala de exposicións, así como as actividades da Universidade Senior. Unha exposición do grafiteiro Nano 4814 servirá para inaugurar o espazo nun tempo previsto de quince días. Unha performance de Carlos Neira e Antía Otero completarán o programa inaugural. O reitor, José Antonio Barja, anunciou que a intención da universidade e concentra neste espazo boa parte da oferta cultural da Universidade e desenvolver unha programación estable.