A Universidade de Santiago abre un centro cultural en Lugo

Un auditorio, salas para exposicións e actividades artísticas ao carón do vicerreitorado. Esta é a achega que realiza a Universidade de Santiago á cidade de Lugo coa apertura do Museo e Casa do Coñecemento. O espazo amosa no seu subsolo, dependente da Consellaría de Cultura, os restos da vila romana e do templo de Mitra que se descubriron durante as escavacións previas ás obras. A exposición Miradas, de esculturas de Ramón Conde, abre este espazo.