Membro de Polaqia elaboran un lugar na Normal
A partir do vindeiro 20 de xuño e ata o 29 de xullo, o edificio Normal, centro de actividades culturais da Universidade da Coruña, acolle a exposición Acción #1. A mostra recolle traballos de membros do colectivo de banda deseñada Polaqia, canda a traballos de Nin9 e Sr.X, artistas urbanos. Os autores de Polaqia amosarán un total 36 debuxos e páxinas de banda deseñada, así como un mural, vinilos e unha peza audiovisual. Pola súa banda, Nin9 e Sr.X realizarán dous murais individuais e outros dous conxuntos neste espazo, empregando técnicas como o estarcido ou o collage. Ademais, un audiovisual amosará o seu proceso creativo e o Sr. X amosará unha serie de sete cadros. A exposición contará con actividades paralelas nas que se debaterá sobre BD e arte urbana.
