Marcos Dopico preside a Asociación de Deseñadores que quere potenciar o seu traballo

A asamblea xeral da Asociación de Deseñadores Galegos decidiu nomear na pasada fin de semana a Marcos Dopico como novo presidente. Ademais da renovación da cúpula directiva (Segundo Fernández como vicepresidente e Natalia Crecente como secretaria) decidiron as futuras liñas de actuación, todas elas encamiñadas a dar a coñecer o traballo deste colectivo. Para iso, a asociación elaborará un documento marco que sirva para coñecer a fondo a situación do sector do deseño en Galicia. Ademais, presentaron Acción DAG 11, unha iniciativa que sirva de escaparate dos traballos feito en Galicia neste campo e que se visibilizará a través da web e de publicacións. Este proxecto ten aberta a súa convocatoria para que os socios (créase a figura de socio nóbel para os que comezan neste sector) presenten os seus traballos.