Os usuarios da Biblioteca Ánxel Casal, en Compostela, poderán levar para casa en préstamo tanto libros en formato electrónico como os lectores necesarios para os ler. O centro é o único de Galicia que participa da iniciativa que presentaba recentemente a Dirección Xeral do Libro, Arquivos e Bibliotecas do Ministerio de Cultura. En total, serán quince as bibliotecas de todo o estado as que ofertarán este servizo, que conta cun investimento de 130.000 euros. A media de dispositivos dipoñibles en cada biblioteca é, segundo os datos do Ministerio, de 50.
