A dirección xeral de Patrimonio modificou, a finais do ano pasado, o trazado oficial do Camiño Inglés a Santiago no tramo que vai de Rego da Moa, en Fene, ao Peón, en Cabanas. Esta mudanza permitirá que se edifique a urbanización de Vilar do Colo, que estaba paralizada desde 2008 por afectar á vía xacobea. Colectivos como a Plataforma de Defensa dos Camiños ou a Asociación Etnográfica e da Natureza Amigos do Río Baa reclamaron información sobre esta mudanza e anunciaron que reclamarán ante o defensor do pobo.
