Patrimonio modifica parte do trazado do Camiño Inglés

Os informes que encargou a Dirección Xeral de Patrimonio a raíz da presentación dun expediente de urbanización demostraron que o itineario sinalizado para o Camiño Inglés estaba errado. En concreto, Patrimonio determinou modificar este roteiro no tramo situado entre Meixonfrío e A Sionlla, atendendo á existencia de microtoponimia vencellada ao fenómeno das peregrinacións e de vestixios como unha fonte medieval nas proximidades do novo trazado. No entanto, a delimitación definitiva do camiño, necesaria para desenvolver accións de conservación e coidado do patrimonio está aínda pendente de elaborar.