A piques de se inaugurar os primeiros edifícios da Cidade da Cultura, o conselleiro Roberto Varela anunciaba esta fin de semana nunha entrevista que non haberá o previsto Centro de Arte Internacional no Monte Gaiás. O responsable de Cultura explicou na cadea Ser que o Goberno Galego non ve sentido a este elemento cando xa existen outras entidades no país semellantes. No entanto, segundo aclarou hoxe mesmo, a previsión é construír a totalidade dos edificios previstos no proxecto inicial.Ademais, Varela datou en dentro de tres anos o comezo das obras do Teatro da Ópera.
