Nin Madonna, Coldplay, Robbie Williams, Radiohead ou U2. O Conselleiro de Cultura, Roberto Varela, confirmaba nunha entrevista concedida á Cadea Ser que ningún deles estará no Xacobeo 2010. A menos de dez días de que se presente o programa oficial (será o vindeiro día 20 de outubro), adiantou que será un orzamento modesto, moito máis reducido que en anteriores ocasións. O que si confirmou é que os artistas e músicos galegos contarán cun papel prioritario e predominante na programación. En relación coa Cidade da Cultura, Varela apuntou que haberá que esquecerse dos prazos para rematar o complexo e que haberá que redefinir os usos dalgúns edificios.
