“É o gran proxecto galego do século XXI”. Asà definiu Roberto Varela, conselleiro de Cultura, á Cidade da Cultura. Pero isto non evita o contexto de crise no que se insire, por iso o seu departamento opta por dúas medidas a curto prazo: a apertura de catro edificios que xa están terminados (Biblioteca, o Arquivo, o Centro Administrativo e o Museo de Galicia) e reaxustar o orzamento de cara o vindeiro ano. En canto á parte que queda por executar, Varela apuntou a algún cambio de nome, que non de contidos e que se manterá a data prevista do 2014 para rematar o complexo. Na reunión do padroado da Cidade da Cultura tamén se aprobou o nomeamento de Silvia DomÃnguez, filla de emigrantes galegos que traballaba no Centro Cultural de España en Washington, como directora xerente da Fundación Cidade da Cultura. Unha entidade que absorbe á extinta Fundación Gaiás.
