Cultura repetirá as iniciativas que “funcionaron mellor” no Xacobeo 2010

“O caso do Sónar na Coruña, un festival en Vigo ou outros no Monte do Gozo” así definiu Roberto Varela, conselleiro de Cultura, as iniciativas que funcionaron ben no Xacobeo 2010 e que, posiblemente repitan para vindeiros anos. Díxoo nunha entrevista publicada en La Voz de Galicia, na que fai un balance positivo do Xacobeo 2010 en canto ao turismo. Na súa opinión, a Festa dos Mundos na Coruña e a estrea da ópera Parsiphal foron os dous momentos estrela das actividades programadas neste ano.