La música medieval en Ourense é o título do disco que acaba de publicar o selo Armonía Universal desde a Cidade das Burgas. O CD recolle dezaoito pezas de cántico gregoriano recuperadas dos arquivos da catedral, do arquivo diocesano e mais do Histórico Provincial. As pezas foron gravadas en Roma polo coro Gregoriani Urbi Cantores, e supoñen o comezo dun proxecto que esta discográfica quere estender ao resto das catedrais galegas. O obxectivo dos responsables desta iniciativa é publicar estudos científicos sobre a música que se conserva nestes espazos e editar posteriormente discos recollendo este material.
Un disco recupera a música medieval da Catedral de Ourense
O selo Armonía Universal prevé continuar a serie con pezas doutros arquivos galegos
3 lecturas | Compartido 0 veces
