O IGADI homenaxea a Fernado Pérez-Barreiro, figura relevante da tradución en Galicia

Ten un longo currículo, entre o que destaca tanto o seu traballo na BBC, como ser un dos integrantes e animadores do Grupo de Traballo Galego de Londres. Ademais, foi o encargado da primeira tradución ao galego dunha obra de teatro de Shakespeare e dunha antoloxía de narrativa curta chinesa moderna, Flores e leña. Fernando Pérez-Barreiro Nolla (Ferrol, 1931- Lancaster, 2010) recibe este venres unha homenaxe en Baiona, nun acto organizado polo Instituto Galego de Análise e Documentación Internacional, IGADI, entidade á que pertenceu como membro do Consello Asesor.