O Instituto Galego de Análise e Documentación Internacional (IGADI) organiza hoxe o II Maratón de Galeguidades, un conxunto de conversas e debates dialogados cunha web de seu e na canle de Youtube da entidade ao redor da emigración, a diáspora e a relación entre a Galicia territorial e a Galicia do exterior. Para iso deseñaron "episodios temáticos como memoria, ciencia, deportes, música, literatura ou redes sociais", nos que contan coa participación de numerosas figuras destacadas da cultura e sociedade galegas como Antía Pérez-Caramés, David Miranda Barreiro, Mondra ou Elin Haf Gruffydd Jones.
