A cifra media de débeda entre funcións e produción por compañía da administración pública coas compañías teatrais é de 100.000 euros afirma Ernesto Chao, presidente de Escena Galega, colectivo que agrupa a empresas profeionais do ámbito das artes escénicas. Chao refírese tanto ás axudas para o desenvolvemento de espectáculos, como as funcións contratadas e impagadas por parte tanto dos concellos como de Agadic. Ademais, con afán clarificados expuxo o caso concreto da compañía que dirixe, Lagarta, Lagarta, á que a administración adebeda 130.000 euros. ¿Qué empresa pode sobrevivir con estas débedas? asegura o presidente deste colectivo quen augura un mal ano para a artes escénicas no que se verán obrigadas a pechar case a metade das empresas deste sector. Desde Agadic recoñecen que hai contías por pagar, que se irán liquidando nas vindeiras semanas, pero que corresponden, en todo caso, a facturas posteriores ao día 5 de novembro.
