Escena Galega busca unha postura ante os atrasos nos pagamentos de Agadic

Non é unha reivindicación nova, o colectivo teatral leva semanas denunciando atrasos nos pagamentos por parte de Agadic, entidade dependente da Consellaría de Cultura. A última manifestación pública nesta dirección foi a semana pasada, na rolda de presentación das funcións en Santiago de “Memoria de Helena e María”, de Teatro do Atlántico, cando Xulio Lago denunciou que a administración debe cartos ás compañías desde agosto. Agadic recoñeceu no seu momento atrasos nos pagamentos pero só desde as facturas rexistradas antes do 8 de novembro. As compañías profesionais agrupadas no colectivo Escena Galega reúnese hoxe para debater e consensuar unha postura común ante a situación.