Falece o xornalista Luís Mariñas

O xornalista Luís Mariñas faleceu onte no seu domicilio de Madrid, ao parecer por causas naturais, cando contaba con 63 anos de idade. Nado na coruña, Mariñas foi o director de TVE Galicia, onde puxo en marcha, en 1974 Panorama de Galicia primeiro informativo dedicado ao país. Ademais, está considerado o primeiro presentador de informativos que empregou a nosa lingua nas ondas. O seu corpo será incinerado mañá en Madrid.