Unha guía propón centos de agasallos en lingua galega

Os últimos libros de Yolanda Zúñiga ou Xurxo Borrazás; os discos de Berrogüeto (Kosmogonías), Uxía (Eterno navegar) ou Lamatumbá (A órbita da banda hipnótica); os reprodutores de Blu: Sens con menús en galego, as axendas de Implicadas no Desenvolvemento ou as camisetas de Caramuxo… son algunas das propotas de “Agasallo”., unha guía con lingua propia. Editada pola Deputación da Coruña e a Coordinadora de Traballadores de Normalización Lingüística (CTNL), inclúe produtos como libros, discos, camisolas e xogos en lingua galega. A guía, ademais dos 45.000 exemplares que se distribuirán nos concellos, está dispoñible na rede.