Logo de anos de parálise nas obras do aparcadoiro do Parrote, na Coruña, a Comisión Territorial de Patrimonio sinalou onte que considera compatible esta construción coa conservación da muralla que apareceu ao carón da obra. No entanto, a Administración considera que os restos deben conservarse ao nivel do chan e seren accesibles para o público, así como sufrir un proceso de posta en valor que poña en relevo a súa importancia para entender a historia da cidade.
