A Comisión de Interior e Xustiza das Cortes de Castela e León aprobou unha enmenda á Lei da Comarca do Bierzo que recoñece o galego desta área. O texto, pendente da súa ratificación definitiva no parlamento autonómico, sinala que a lingua "gozará de respecto e protección" nos lugares nos que se utilice. Ademais, establece que o goberno "facilitará a participación da comarca nas actuacións que realice" neste sentido.
