Medra o número de persoas que estudan galego no Bierzo e Sanabria

A coincidir este 9 de marzo, aniversario de Frei Martín Sarmiento, coa celebración do Día do Galego no Bierzo, a Xunta de Galicia deu a coñecer datos actualizados sobre o estudo na nosa lingua nesta comarca e en Sanabria. Así, en 2022 un total de 1.173 persoas cursaron clases de galego nestas áreas de León e de Zamora, o que supón un incremento de 58 alumnos e alumnas respecto ao curso anterior.

No marco desta celebración, a Secretaría Xeral de Política Lingüística aproveitou para presentar o web O galego no Bierzo que recolle diferentes recursos sobre a nosa lingua nesta comarca. Toponimia da zona, bibliografía específica e novas da actualidade fan parte desta nova iniciativa.