Unha xornada analizará as diferentes iniciativas para fomentar a lectura

¿Cales son as fronteiras do libro? ¿Qué experiencias se están a desenvolver nese sentido? As respostas a estas preguntas pretenden debaterse xoves e venres en Compostela, no marco do VII Simposio O Libro e a Lectura que organiza a Asociación Galega de Editores co patrocinio de Cedro. Baixo o título de “Fomento da lectura. Unha nova fronteira para o libro” , Fran Alonso coordina un encontro que contará con conferencias, mesas redondas e paneis.