As novas infraestruturas que permiten acceder a Internet chegaron este ano a 250.000 novos galegos no marco do Plan de Banda Larga. A secretaria xeral de Modernización e Innovación Tecnolóxica, Mar Pereira, presentou esta mañá os resultados dos primeiros noves meses de acción deste programa que, segundo ela, reduciu nun terzo o número de cidadáns que carecen de acceso a estas infraestruturas. Segundo explicou Pereira, o programa iniciouse nos lugares nos que existen máis dificultades para dispor de conexión á rede e continuará nos vindeiros meses.
