Actividades e proxectos conxuntos, intercambio de publicacións, conferencias, cursos ou exposicións son algunhas das actividades que coorganizarán no futuro o Consello da Cultura e mais o Instituto Camões. O convenio marco que asinaron esta mañá Ramón Villares, pola banda galega e mais Ana Paula Laborinho, da portuguesa, abre a porta a múltiples accións comúns que favorezan a presenza da cultura galega en Portugal e viceversa. Os dous representantes anunciaron a súa intención de desenvolver o contido deste convenio-marco en accións concretas, e Villares lembrou a importancia que para o noso paÃs ten levar unha polÃtica activa de cara aos paÃses de lingua portuguesa. Laborinho, pola súa banda, salientou a importancia de contar con Galicia e España como parceiros destacados da súa institución.
