Educación apoiará as actividades do Consello da Cultura encol da lingua

A Secretaría Xeral de Política Lingüística apoiará economicamente as actividades que desenvolva o Centro Superior de Sociolingüística de Galicia (CDSG). Representantes da Consellaría de Educación, da que depende o primeiro ente, e mais do Consello da Cultura (CCG), asinaban esta mañá un convenio que terá entre os seus obxectivos dixitalizar os fondos que se conservan no CDSG. Ramón Villares, presidente do CCG, destacou a importancia deste material que considera "o maior arquivo documental sobre cuestións lingüísticas do país". Tanto el coma o responsable de Educación, Xesús Vázquez, apuntaron a súa intención de que este acordo continúe a se desenvolver ao longo dos vindeiros anos. Pola súa banda, o secretario xeral de Política Língüística, Anxo Lorenzo, apuntou a necesidade de que o CDSG ocupe un lugar destacado na Rede de Dinamización Lingüística que o seu departamento está a pór en marcha.