O secretario xeral de Política Lingüística, Anxo Lorenzo, e mais o presidente da Deputación de Pontevedra, Rafael Louzán, asinaban onte o convenio polo que as dúas insitucións se comprometen a colaborar na difusión da nosa lingua. Segundo explicaron os dous responsables, este acordo é o primeiro paso na creación da Rede de Dinamización Lingüística coa que a Xunta quere implicar concellos e deputacións no apoio ao galego. O acordo asinado prevé "actividades de asesoramento lingüístico, de formación en lingua galega e de dinamización social".
