O pazo de Goiáns
O Concello de Boiro formalizou onte pola tarde a adquisición do Pazo de Goiáns, un ben patrimonial con orixes nunha fortaleza medieval, ubicado nas proximidades da Vila. Deste xeito, ponse punto e final a unha década de negociacións, controversias e polémicas sobre os usos e as propostas de urbanización da enorme finca da propiedade. O arquitecto Emilio Piña avanzou os primeiros planos para a rehabilitación da finca e agora deberán decidirse os usos deste importante ben vinculado á historia deste concello do Barbanza.
