Agadic substitúe o programa de residencias por axudas a investigación coreográfica

Xa o anunciara no seu momento do director de Agadic, Juan Carlos Fasero, que o Centro Coreográfico Galego ía modificar e reformular as residencias artísticas. O novo modelo é un programa de apoio á danza que axuda a coreógrafos para desenvolver proxectos de investigación. Cada creador contará entre 2.000 e 6.000 euros para materializar as súas propostas durante un prazo máximo de tres meses. Ademais, poderá contar con asesoramento e acompañamento artístico e técnico. O prazo de solicitudes está aberto ata o 20 de outubro e os seleccionados están obrigados a unha exhibicion pública do traballo resultante.