Do 1 ao 15 de setembro está aberto o prazo de presentación de proxectos para acceder ás axudas para coprodución do Centro Coreográfico Galego. Así o anunciou o director de Agadic, Juan Carlos Fasero, no marco da presentación da nova directora do Centro Coreográfico Galego. Ademais, tamén aproveitou para anunciar un redeseño no programa de residencias artísticas. Na súa opinión “á marxe da fase de investigación, que está moi ben, ten que haber unha maior incidencia na exhibición e no público dese proxecto”, de aí que se procede á súa reformulación.
