Agadic convoca un concurso público para elexir ao responsable do Centro Coreográfico

Dirixir artisticamente o Centro Coreográfico galego, coordinar a actividade das sedes, decidir o plan de programación e de actividades así como exercer a representación ordinaria do Centro. Estes son algúns dos cometidos que terá que cumprir o futuro responsable do Centro Coreográfico Galego segundo se especifica nas bases que se publican hoxe no web de Agadic. O director/a terá unha retribución bruta de 39.432,89 euros, será elexido por libre designación polo consello de Dirección a proposta do director, Juan Carlos Rodríguez Fasero, e deberá ser licenciado (tal e como consta na Lei de Creación de Agadic). O prazo de presentación de solicitudes é de 10 días hábiles que comezan a contar a partir de hoxe.