Só tres candidatos a dirixir o Centro Dramático Galego

O director e escenógrafo, Antonio Simón; a actriz e cofundadora da Sala Nasa, Blanca María Brage e David Súbik son os tres candidatos a converterse no futuro responsable do director artístico do Centro Dramático Galego. En total presentáronse cinco solicitudes, das que dúas foron rexeitadas por non cumprir cun dos requisitos da convocatoria: ser titulado superior. Tratábase dunha esixencia da convocatoria acorde coa Lei da AGADIC, que esixía ese nivel de formación para o responsables das súas unidades de produción. Agora, superado o prazo administrativo reglamentario para as alegacións, reunirase o comité de valoración que puntuará os proxectos artísticos que logo elevará ao Consello de Dirección da AGADIC o seu director-xerente, Juan Carlos Rodriguez Fasero, para o seu nomeamento. En todo caso, o prazo límite para resolver o concurso é dun mes.