O Centro Dramático Galego segue sen responsable desde que fóra destituída Cristina Domínguez no pasado mes de setembro. Desde entón, púxose en marcha un concurso público para nomear o seu sucesor e instaurar o “código de boas prácticas” (que establece a designación por concurso) e que están a abandeirar todos os responsables de unidade de produción artística en todo o Estado. O conflito chegou cando a semana pasada un grupo de profesionais do ámbito da cultura enviaron unha carta solicitando apoio para un dos tres candidatos (Blanca Cendán) e evitar así que non se declarase deserto o concurso. Desde a Agadic non hai ningún comunicado oficial, malia que a comisión de valoración do concurso se reuniu o pasado luns 22 de marzo. En todo caso, a decisión última correspóndelle á ao Consello de dirección de Agadic que deberá ratificar ou non o ditame da comisión de valoración e nomear ao futuro responsable da unidade de produción teatral do país.
